Sot rreth orës 14:00 një aksident i rëndë trafiku ka ndodhur në fshatin Poklek të Drenasit, ku kanë mbetur të lënduar tetë persona.
Rastin e ka konfirmuar zëdhënësja e Policisë për rajonin e Prishtinës, Flora Ahmeti, raporton JOQ Kosova.
“Sot rreth orës 14:00 në fshatin Poklek të Drenasit ka ndodhur një aksident trafiku mes dy automjeteve të tipit BMW dhe Opel Astra, ku kanë mbetur të lënduar tetë persona. Të njëjtit janë dërguar për të marrë trajtim mjekësorë. Ndërkohë që njësitë e trafikut janë duke e hetuar rastin”, ka thënë Ahmeti.
Mediat kanë siguruar disa fotografi ku shihet se dy veturat janë përplasur në mënyrë të drejtpërdrejtë.
Ndryshe, në vitin e shkuar Kosova shënoi rekord aksidentesh me fatalitet, ndërkohë që trendi i këtij viti duket më i ulër.