Ari me tre këmbë dhe një luan i shndërruar në “mi”/ Pamje të tmerrshme nga “Kopshti i Ferrit”

Mbrojtja e kafshëve në Shqipëri është lënë jashtë vëmendjes së institucioneve, apo shoqatave që merren kanë për detyrë t'i mbrojnë ato.

E themi këtë sepse nëpërmjet disa videove të publikuara nga JOQ Albania shihej qartazi gjendja në të cilën mbahen kafshët në "Kopshtin Zoologjik" të Tiranës, apo në "Kopshtin e Ferrit" ta quajmë më mirë.

Ari me një këmbë të prerë, arinj që ushqehen me disa kocka të hedhura tej në betonin e kafazit dhe një luan i shndërruar në "mi" është pamja që ofrohet për qytetarët që e kanë vizituar dhe vizitojnë "Kopshtin e Ferrit", në Tiranë.

Kushtet që mbahen kafshët në "Kopshtin Zoologjik" të Tiranës janë të tmerrshme dhe për këtë askush nuk e ka ngritur zërin.

Lidhur me këtë rast reagoi organizata "Four Paws", e cila shkruan se ariu Dushi, me këmbën e prerë është marrë nga Kopshti Zoologjik i Fierit, i cili u mbyll pasi u zbulua se si keqtrajtoheshin kafshët dhe është sjellë në Tiranë, me qëllim transferimin jashtë Shqipërisë, por procedurat janë duke i vonuar.

"Four Paws" shkruan:

Të nderuar @joqalbania, kemi lajm të mirë në lidhje me postin tuaj! AriuDushi në video u shpëtua nga ekipi ynë nga të ashtuquajturit "kopshti zoologjik më i keq në Evropë". Tirana Zoo është vetëm një ndalesë në rrugën e saj për lumturinë, pasi në disa javë kemi në plan për ta transportuar atë në një nga SYN. Ne shpresuam se tashmë do të ishte atje, por lëshimi i dokumenteve të saj zyrtare ka vonuar transferimin. Dushi u përmirësua shumë që kur e shpëtuam, morëm trajtim veterinar dhe morëm kujdes të vazhdueshëm. Dëmtimi i saj në këmbë ishte për shkak të një kurthi që përdoret për të kapur arinjtë.

Fjalët janë të tepërta për këto pamje, janë shumë larg habitatit origjinal të së cilës kafshët dhe aty askush nuk është i lumtur, as kafshët, por as qytetarët që i vizitojnë.

Ku janë autoritetet bashkiake dhe ata të mbrojtjes së kafshëve në Tiranë?!

Dikush duhet të vihet para përgjegjësisë për këtë mjerim dhe mënyrën se si po i shfrytëzojnë kafshët.

Për më shumë komentet ju mbeten juve!