JOQ Albania
Home

Thirrje për protestë! Ndër to Kanioni i Holtës, perlat e Shqipërisë që po i shkatërrojnë
Shkruar nga: F Tenolli | Publikuar më: 23/01/2019 11:04

  • Share
  • Share
  • Share
  • Share

Sëfundmi është dhënë alarmi se një hidrocentral do të ndërtohet në kanionin e Holtës në Gramsh.

Një nga perlat e bukurisë shqiptare, ku mijëra turistë e vizitojnë çdo vit ka filluar të betonizohet.

Vendimi është marrë pa asnjë konsultim publik, asnjë kriter natyror e turistik ndërsa e drejta i është dhënë kompanisë “ERA HYDRO shpk”.

Shumë vende të tjera turistike, bukuri të rralla të vendit tonë do të preken nga fadromat e lëshuara pa kriter!

Mjaft perla rrezikojnë zhdukjen dhe shumë të tjera janë zhdukur në vend për shkak të babëzisë për të ndërtuar mbi to HEC-e.

I njëjti problem shfaqet edhe në Zagori, ndërsa mbeten zona të nxehta edhe lumi Vjosa si edhe HEC-et mbi Valbonë.

Në galerinë e mësipërme gjeni disa nga perlat e Shqipërisë që rrezikojnë shkatërrimin prej babëzisë momentale të shqiptarëve dhe qeveritarëve të tyre.

Fotografi nga Gjakova, Nëntor Oseku i cili promovon bukuritë e Shqipërisë ka bërë thirrje që të  mbrohen këto bukuri. Ai përmes një postimi në Facebook, ka kërkuar nga qytetarët që ta nënshkruajnë peticionin për mbrojtjen e Kanionit të Holtës, kanion ky në pjesën e Shqipërisë së Mesme.

Oseku ka thënë se ndjehet i dëshpëruar nga fotografitë që ka parë që kjo pjesë ka filluar të betoniziohet shkaku i ngritjes së hidrocentraleve.

Postimi i plotë:

Një vit më parë bëra kamping disa ditorë në kanionin e Holtës. Gjatë këtij kampingu qemë mahnitur me bukuritë e kësaj perle të Shipërisë së Mesme.
Fotot e këtyre ditëve të publikuara në medie, ku shihet betonizimi për ngritjen e hidrocentraleve, na dëshpëroi pa masë. I indinjuar thellë për shkatërrimin e këtij monumenti të mbrojtur natyror, që do të ndikonte negativisht në turizmin shqiptar, ftoj miqtë dhe adhuruesit e shumtë të natyrës që masivisht ta nënshkruajnë peticionin, përkatësisht të marrin pjesë në protestën e organizuar nga aktivistët atdhetarë dhe shoqata “Zagoria”, e paraparë të mbahet në Sheshin Skenderbej në Tiranë, të premten, me datën 25.01.2019, duke filluar nga ora 11:00."