Një nënë kishte 10 vite pa u takuar me vajzën e saj. Kjo është historia që u prezantua sonte në emisionin ‘Dua të të bëj të lumtur’. Nënë Sano ishte njohur me bashkëshortin e saj Halitin në moshën 14 vjeç dhe kishin rënë në dashuri.
Familja e saj nuk e kishte pranuar martesën, pasi ajo ishte rrëmbyer. Nga marrëdhënia me Halitin, nënë Sano kishte 4 fëmijë. Vite më vonë ajo zbulon se Haliti e kishte tradhëtuar, pasi kishte dy fëmijë me një grua tjetër. Ajo vendos të ndahet dhe gjendja e rënduar ekonomike e detyron të martohet sërisht.
Katër fëmijët e saj nuk ishin dakord me vendimin e saj. Ajo i drejtohet programit ‘Dua të të bëj të lumtur’, për tu takuar me vazjën e saj, të cilën kishte 10 vite pa e parë dhe për t’i kërkuar falje për vendimet e marra. Vajza e saj nuk e pranoi ftesën dhe në vendin e saj, Arbana solli shoqen e ngushtë të nënë Sanos, Lumturijen.
Kjo e fundit, pasi rrëfeu shoqërinë që kishte me nënë Sanon, tha se ajo nuk duhet të shkojë në shtëpinë e të moshuarve, pasi ka katër fëmijë.
