Banorët e Astirit dolën sërisht për të protestuar ditën e sotme. Ata përsëritën edhe njëherë kërkesat e tyre për anulimin e projektit dhe largimin e kryeministrit Edi Rama.
Njëri nga banorët u shpreh se do të vijë dita që Ramën ta tërheqin zvarrë në bulevard.
Ai shton më tej se banorët do t'i japin një litar shefit të qeverisë për të varur veten.
Sipas tij Rama duhet të largohet pasi e ka mbushur Shqipërinë me korrupsion.
Ai tha:
A e patë sot me studentët dhe kur një vajzë i doli kundër dhe e përzuri nga salla. Kush është ky kryeministër që përzë nga salla, ku e gjen të drejtën ti. Ka ardhur ora për të tërhequr zvarrë në bulevard, siç tërhoqëm Enver Hoxhën. Edi Rama, erdhi ora ik nga Shqipëria. Tani do të japim litarë të varësh veten. ashtu do fshihesh edhe ti te bunkeri i Surrelit. Do vijë dita do të tërheqim zvarrë Edi Rama. Ke 76 ditë që na ke shkatërruar jetën. Unaza e bashkuar ka për të fituar. Edi Rama kriminel. Na është bërë Shqipëria magazinë hashashi. Hajde po ta mbajti hunjtë i kemi gati. Unë kisha vetëm diçka për t’i thënë kryeministrit, ne prapë do të tërheqim zvarrë, se e ke mbushur Shqipërinë me korrupsion. Poshtë projekti.
