Moderatorja Roza Lati është bërë pjesë e sfidës "10 Year Challenge" duke publikuar në profilin e saj në Instagram një foto, që është bërë 10 vite më parë.
Pas kësaj shumica prej fansave të Rozës kanë komentuar, duke i thënë se ajo ka ndryshuar shumë dhe se nuk ishin dakord që Roza ka bërë kaq shumë ndryshime në fytyrë.
Më pas ka qenë vetë moderatorja, ajo e cila ka reaguar për kritikat e fansave të saj.
Roza u është përgjigjur kështu kritikave të fansave të saj:
I kam bërë buzët që 20 vjeç. Edhe vetullën e kam pasur të punuar. Njeriu rritet. E mos na çani dërrasat ‘çe ke gjithë këtë make up, ç’je bërë kështu’… S’do dal të pi kafe te lagjia me ju. Do dal në ekran. Ekrani ka rregulla! Ka blice dhe drita nivel tjetër nga dritat e rrugëve që dilni ju o milet! Bëni dallimin! Unë punoj në televizion. Make up dhe krehja dhe flokët janë procese të punës. Shnet”, i kthehet Roza e revoltuar.“Ju s’dini të bëni kritika. Të ishin komente të tilla në profilin tuaj për ju… hahaha.. Flasim pastaj. Komenti im është gjithëpërfshirës për të gjithë ju. Jo personal #ShnetPart2”.
Ndërsa pas këtij komenti moderatorja ka postuar një foto tjetër në profilin e saj në Instagram, ku ka qenë 20 vjeç.