Ditën e sotme kryeministrit Edi Rama është gjendur në Qytetin Studenti për të prezantuar projektin e Kampusit të ri Universitar dhe gjatë fjalës së tij ka folur edhe për studentët e ngujuar.
Gjatë fjalës së tij ai është ndërprerë nga një studente e cila filloi të replikonte dhe me sa duket kjo gjë nuk i ka pëlqyer fare atij dhe situata është shoqëruar me një incident.
Rama iu kthye duke i thënë se nëse do të tentonte ta ndërpriste sërish do të dilte nga salla.
Pjesë nga debati
Studentja duke u çuar në këmbë: Kjo që bëni ju është një shfaqje.
Rama: Të drejtën për të ndërprerë njerëz në këtë sallë ta harroni. S’ta jep njeri këtë të drejtë se po ndërpreve njeri në sallë dhe del jashtë.
Studentja: Mos më thuaj dil jashtë se paguhesh me taksat e mia!
Rama: Tashti ti del jashtë dhe ne vazhdojmë punën. Sepse ju keni të gjitha të drejtat të ngrini probleme por nuk mund të përmbysni historinë e bashkëjetesës mes njerëzve që ka norma të padiskutueshme, ndërprerja e tjetrit kur flet apo prishja e një bashkëbisedimi është mungesë aftësie për të bashkëjetuar në demokraci. Suksese tani, dil jashtë!