Në dialogun e tij live në Facebook rreth kërkesave të studentëve, kryeministri Rama nuk ka ngurruar të krahasojë protestën studentore me qëndresën në çadër të PD-së në vitin 2017.
Rama tha:
Kam një pyetje- Protesta është apo nuk është politike? Kam frikë se ata që shfaqen me maska në protestë po bëjnë telefonin e prish mes protestës dhe opozitës. Unë se kam parë kurrë që protestuesit të mos dialogojnë me qeverinë. E kam parë vetëm në atë çadrën që u ngrit në bulevard dhe e patë vetë si përfundoi.”
Mirëpo studentët janë të vendosur për të mos dialoguar, teksa shprehen se kërkesat janë shumë të qarta dhe kryeministri nuk duhet t’i ftojë në bisedime, por duhet të dorëzohet përballë kërkesave dhe t’i plotësojë.