Është hapur sot “Java Kundër Korrupsionit 2018”, ku morën pjesë ambasadorët e shteteve të Quintit, të cilët përçuan mesazhin e tyre për luftimin korrupsionit në Kosovë.
Philip S. Kosnett, ambasadori i ri i SHBA-së në Prishtinë, ka thënë se Kosova ka miratuar 9 ligje dhe reforma në sektorin e drejtësisë, por sipas tij, disa qeveritarë marrin mito, ndërhyjnë në sistemin drejtësisë dhe punësojnë të afërmit e tyre, e kjo sipas tij, duhet të stopohet, raporton JOQ Kosova.
“Në Kosovë ka zyrtarë që shpeshherë e vendosin në prioritet çështjen personale para asaj të shoqërisë. Ka ardhur koha që duhet të veprohet nga transparenca në luftimin e korrupsionit”, ka thënë Kosnett.
Ndërkohë, ka folur edhe Nataliya Apostolova shefe e zyrës së BE në Kosovë, e cila tha se korrupsioni si fenomen prish imazhin e Kosovës.
“Kemi kërkuar nga autoritetet e Kosovës kemi kërkuar të marr veprim të rreptë kundër korrupsionit. Ka pasur disa ligje që e mundësojnë këtë si ligji penal, ligji i sinjalizuesve që duhet edhe të zbatohen”, deklaroi Apostolova.
Ndryshe, të gjithë ambasadorët ishin një zëri me një kërkesë, ku theksohej nevoja që të sanksionohet zyrtarët e korruptuar./JOQ Kosova