Ulen tarifat e kompanive celulare brenda dhjetorit, 15% më pak për këto telefonata

Tarifat e kompanive celulare në vendin tonë mund të themi se po u përafrohen atyre të vendeve të tjera të rajonit apo BE. Së fundmi me një vendim të AKEP do të ketë një ulje deri në 15% për të gjitha thirrjet telefonike që bëhen jashtë operatorëve.

Kështu qytetarët shqiptarë do paguajnë më pak për thirrjet jashtë rrjetit dhe vendimi i cili tashmë ka hyrë në fuqi, pritet të japë efektet në fund të muajit dhjetor.

Drejtori i Rregullimit Ekonomik në AKEP Pajtim Melani shpjegon se ky vendim synon të barazojë tarifat për thirrjet midis kompanive të cilat konsiderohen të larta.

Në një deklaratë për Ora News ai ka thënë:

Tregjet e shumicës është në shifra të konsiderueshme, mbi 15% në vitin e parë të implementimit. Por sa dhe si do të reflektohet kjo në tregjet e pakicës, mbetet për tu analizuar me marrjen e të dhënave në muajt në vijim nga AKEP. Me masat rregullatore që ka marrë AKEP po shkojmë gjithmonë e më shumë drejt barazimit të thirrjeve brenda me jashtë rrjetit, pasi në vitet e mëparshme thirrjet jashtë rrjetit ishin shumë më të larta dhe thirrjet brenda rrjetit ishin shumë më të ulëta, rreth zeros.”