Dhuroi një fëmijë por u gëzua me katër të tjerë, Mediola i bën surprizë të ëmës

Dy fëmijë të rritur tashmë Mediola dhe Ibrahimi i kanë bërë sot një surprizë të veçantë nënës së tyre Dhuratës.

Ata e ftuan në emisionin "Ka një mesazh për ty" ku treguan edhe historinë e dhimbshme nëpër të cilën ka kaluar nëna e tyre që në rininë e saj.

Mediola rrëfeu se e ëma u dashurua që 18 vjeçe dhe mbeti shtatzënë, por prindërit e saj nuk e pranuan këtë fakt. Ata e përzunë nga shtëpia dhe ndonëse ajo u martua më pas me dasmë, askush nga njerëzit e saj nuk i shkoi në ceremoni.

Përveç kësaj duke qenë se kunati i nënës së tyre, pra xhaxhai nuk mund të bënte fëmijë, ata i dhuruan fëmijën e parë. Zonja Dhurata mbeti sërish shtatzënë, por fatkeqësisht e humbi fëmijën në muajin e gjashtë të shtatzënisë. Ajo dhe bashkëshorti menduan se nuk do bënin më fëmijë, por ndodhi mrekullia dhe ata u bekuan me 4 fëmijë të tjerë.

Mediola ka rrëfyer:

Kohët e fundit ne në familje kemi pasur diçka jo të mirë. Motra e madhe pati një divorc dhe djalin e saj e mban mami. Meraku jonë është që mami e vuan shumë, bashkë me babain, por mami e vuan më shumë dhe mendon se është ajo fajtore për atë që ndodhi. Mendon që nuk ishte e zonja që fëmija nuk eci në hapat e saj. Jemi këtu për t’i treguar se absolutisht nuk është faji i saj, ajo është më e mira dhe ka bërë punën e duhur si nënë.”

Ndërsa i biri, Ibrahimi i tha:

E mora guximin të vija këtu të të falenderoja, sepse ti e di që unë nuk jam tip i tillë. Ti e di që për mua je njeriu më i veçantë dhe e di që unë gjumë nuk fle pa më mbuluar ti. Kam ardhur të të falenderoj sot për gjithçka dhe dua që t’i të bëhesh shumë e fortë, sepse duhet ta dish që ke lindur dhe ke rritur shumë fëmijë të mrekullueshëm. Nuk dua t’i bëj vetes komplimente, por ti je një nënë që nuk ka fjalë për ty.”