I mahniti të gjithë me format muskulore, kanguri Roger ngordh në moshën 12-vjeçare

Kanguri muskulor, që para tre vitesh zuri titujt kryesorë në media ndërkombëtare për shkak të fizikut të tij të “palestruar”, ka ngordhur në moshën 12-vjeçare.

Roger, i cili ishte rreth 200 centimetra i gjatë, u bë viral në vitin 2015, kur u publikuan për herë të parë fotot e tij me fizikun e pabesueshëm. Kanguri, që pothuajse dukej i fotoshopuar, kishte një fizik që do e kishte dikush që shkon rregullisht në palestër.

Kanguri i kuq qëndronte prej kohësh në Sanctuary Kangaroo në Alice Springs ku dhe shtypte pa problemin më të vogël kova metalike.

Ngordhja e Roger-it u njoftua të shtunën nga drejtuesit e strehës në Facebook.

Në postimin e tyre thuhej:

Kjo është një ditë e trishtuar për ne pasi kemi humbur djalin tonë të bukur, Roger. Dhjetë vjet më parë, unë e ndërtova këtë vend të shenjtë për të strehuar Roger dhe disa nga femrat e tij, Ella dhe Abigail. Ne e ndërtuam strehën në mënyrë që ata të kishin një vend për të jetuar. Roger ishte mashkulli ynë alfa për shumë vite dhe ai u rrit për të qenë një kangur që njerëzit nga e gjithë bota e deshën po aq sa ne. Ai do të jetë gjithmonë këtu.”

JOQ Albania