Mëngjesi i djeshëm ka qenë fatal për një të moshuar nga kryeqyteti i Kosovës, pasi ka rënë nga një ndërtesë banimi dhe ka humbur jetën.
Është raportuar se viktima është një 65 vjeçar me iniciale A.B, raporton JOQ Kosova.
Policia e ka konfirmuar rastin duke e cilësuar vdekjen si rast të dyshimtë, për çka edhe kanë thënë se akoma nuk dihen rrethanat.
“Raportohet se viktima mashkull K/Shqiptar, në rrethana të panjohura ka rënë nga një ndërtese banimi. Në vend të ngjarjes kanë dal njësit relevante dhe nga ekipi mjekësor, është konstatuar se viktima nuk ka shenja jete”, thuhet në raportin e Policisë.
Policia ka bërë të ditur se trupi i viktimës është dërguar për analiza në Insitutin e Mjekësisë Ligjore, pas të cilës do të lirohet për ceremoni mortore./JOQ Kosova