Ndërkohë që në Tiranë dhe në qytetet tjera studentët kanë 5 ditë që protestojnë sot për herë të parë u ngritën edhe studentët e Gjirokastrës. Studentët e universitetit “Eqerem Çabej” u bashkuan para godinës universitare dhe marshuan në qytet.
Por, sipas burimeve disa nga studentët e Gjirokastrës janë shoqëruar në polici.
Sipas informacioneve të para studentët janë shoqëruar me motivacionin se kanë protestuar pa marrë leje për tubimin dhe se kanë bllokuar rrugën në lagjen “18 Nëntori” .
Bëhet e ditur se megjithatë, studentët nuk do të ndalen dhe se nesër do të protestojnë por vetëm në ambientet e universitetit dhe jo në qytet.