Një 54-vjeçar ka ndërruar jetë ditën e sotme në burgun e Peqinit pas problemeve shëndetësore.
Ilmi Hoxha nga Fieri ishte arrestuar në vitin 2016 kur u zbulua edhe krimi monstruoz që ai kishte bërë.Në bashkëpunim me partneren e tij, Ilmiu kishte përdhunuar vajzën e kësaj të fundit,e cila ishte vetëm 12 vjeç.
Këtë vepër penale ai e kreu në bashkëpunim me Selvie Yzeiraj.
Gruaja së bashku me burrin me të cilin bashkëjetonte, abuzonin prej vitesh me vajzën e saj të vogël që kur ajo kishte qenë 6 vjeçe. Vajza tregoi në polici në atë kohë se akti seksual kryhej në sy të nënës së saj.
Më 16 shtator të vitit 2016 policia bënte me dije se në pranga ka vënë shtetasit Ilmi Hoxha dhe Selvi Yzeiraj, 52 dhe 40 vjeç, pasi kishin abuzuar seksualisht me vajzën, që gruaja kishte sjellë me vete. Në banesë të arrestuarve iu gjetën edhe 41.5 kg kanabis.
Në fund të gjykimit Gjykata dënoi me 23 vjet burg Ilmi Hoxhën dhe me 18 vite Selvie Yzeiraj.
Njoftimi i policisë: