Për më shumë se 20 vite që ka në ekran, gazetarja Eni Vasili është kujdesur që ta mbajë jetën e saj private sa më larg syve të publikut.
Por, mesa duket një nga “misteret” e saj është zgjidhur pasi gazetarja dhe, ai që thuhet se është parteri i saj, kanë marrë pjesë në një event të Lorik Canës.
Futbollisti i njohur, tri ditë më parë kishte ftuar krahas shumë personazheve VIP, edhe gazetaren Vasili, në premierën e dokumentarit të përgatitur për jetën e tij.
Midis Enit dhe shoqëruesit të saj atë natë janë parë disa detaje të veçanta si shikimi sy më sy apo kapja e dorës, njofton Panorama Plus.
Sipas miqve të gazetares dhe moderatores, kjo është një lidhje e cila ka filluar disa vite më parë.
Armandi, një inxhinier informatike, jetonte që prej fillimit të viteve ‘90 në Londër dhe ndihej shumë mirë atje. Por, në një darkë miqsh të përbashkët, ai njohu u njoh me gazetaren dhe kështu filloi lidhja e tyre e dashurisë.
Thuhet gjithashtu se Armandi u përpoq ta bindte Enin që ta merrte me vete në Londër, aty ku ai kishte krijuar prej vitesh një jetë shumë të mirë.
Por ajo, siç e ka thënë edhe vetë, ajo është e dashuruar me ekranin dhe profesionin e saj si gazetare dhe nuk ka pranuar ta lërë Shqipërinë. Kështu, Armandi vendosi të lërë Londrën dhe të vijë të jetojë në Tiranë.