Sulmuesi i kombëtares shqiptare, Fiorin Durmishaj ka realizuar një gol vendimtar duke i siguruar kualifikimin Greqisë në Botërorin 2019.
Nuk bëhet fjalë për kombëtaren A të futbollit, por për Kampionatin Botëror të Ushtrive të vendeve të ndryshme.
Futbollisti shqiptar, duke qenë se është rritur në Greqi dhe disponon pasaportën e këtij shteti, është duke kryer edhe shërbimin ushtarak në këtë vend.
Durmishaj luajti ndeshjen e djeshme kundër Gjermanisë, ku u vulos kualifikimi.
Kujtojmë që ky lojtar është në planet e Panuçit, por për shkak të impenjimit në shtetin grek, nuk ka mundur të grumbullohet në dy ndeshjet e fundit.