Pre shumë muajsh, Sokol Cikalleshi nuk është pjesë e kombëtares shqiptare, për shkak të formës jo të mirë, por edhe për shkak dëmtimesh.
Sulmuesi kavajas është harruar nga Panuçi i cili nuk e grumbullon. Gjithsesi, paraqitjet e fundit në Turqi do e bëjnë trajnerin italian të mendohet mirë.
Shqiptari po vazhdon të shënojë rregullisht në Kupën e Turqisë.
Sulmuesi i përfaqësueses shqiptare ishte titullar sot në ndeshjen e parë të turit 1/16 të Kupës ku Goztepe vihej përballë Nazillispor dhe që në fillimin e ndeshjes rezultoi vendimtar.
Në minutën e 12, pas një aksioni në krahun e djathtë, sulmuesi lëshoi një gjuajtje të fortë e cila u devijua nga portieri por ai nuk arriti ta ndalte dot dhe sfera përfundoi në rrjetë.
Ky gol, por edhe paraqitja e sulmuesit, u vlerësua nga tifozët e Goztepe të cilët e përshëndetën me duartrokitje në momentin e zëvendësimit, në minutën e 75-të, në ndeshjen që u mbyll 0-3.
Tani Panuçi duhet t'i kthejë sërish sytë nga ky futbollist.