Në ceremoninë e ndarjes së çmimeve për Topin e Artë mbrëmë në Paris është shënuar edhe një incident që u përhap gjerësisht në rrjetet sociale i cilësuar si seksist.
DJ francez, Martin Solveig, i kërkoi fitueses së “Topit të Artë” për femra, Ada Hegerberg, nëse mund të bënte “twerk” nga skena si një mënyrë për ta festuar këtë trofe.
Por kjo kërkesë e DJ Solveig, i cili ishte edhe bashkë-prezantues në ceremoninë e ndarjes së çmimeve prestigjioze, ka nxitur shumë komentet ku e cilësojnë një seksizëm të hapur ndaj futbollistet norvegjeze.
E ashtu siç pritej, sulmuesja Ada Hegerberg, i tha menjëherë “JO” kërkesës për kërcimin sugjestionues erotik.
Video e momentit seksist:
Kur në vëmendjen e të gjithëve duhet të ishte arritja e norvegjezes Ada, e cila bëhet e para femër fituese e “Topit të Artë”, një trofe i cili u është dorëzuar vetëm futbollistëve meshkuj, të gjithë u përqendruan tek kërkesa e DJ.
Por, Martin Solveig i ka kërkuar ndjesë personalisht futbollistet Ada Hegerberg, e u shpreh se ishte habitur nga reagimi kundër.
Në Twitter DJ francez shkroi:
Në këtë “luftë” komentesh dhe kritikash u përfshi edhe tenisit britanik, Andy Murray, i cili shkroi në Instagram:
Ada Hegerberg është sulmuese 23-vjeçare, e cila me golat e saj çoi Lyonin drejt titullit të pestë të Champions League dhe të 12-in radhazi në kampionatin francez.
Si për të ulur tensionin, në fund të ceremonisë, Ada u shpreh se shakaja pa kripë e Solveig nuk kishte ndikuar aspak në suksesin e kësaj mbrëmjeje.