Vajzat e shkurtra që zgjedhin si partner jete djem që janë më të gjatë se ‘to kanë një tendencë për të pasur një martesë me të lumtur se sa po të ndodhte e kundërta.
Në këtë përfundim ka dalë një studim në të cilin morën pjesë më shumë se 7850 gra dha vajza. Si përfundim, rezultoi se lumturia e tyre ishte e lidhur drejtpërdrejt me gjatësinë e bashkëshortit.
Femrat tërhiqen nga meshkujt e gjatë dhe kjo si duket është e lidhur me faktin që atyre u krijohet ideja e mbrojtjes nga ana e partnerit që është më i “bëshëm” fizikisht.
Megjithatë, studimi arriti në përfundimin se ky faktor ka rëndësi vetëm për 18 vitet e para të martesës. Pas kësaj, gjatësia nuk ka më rëndësi.
Kur u pyetën se a ishte e rëndësishme gjatësia e partnerit në një marrëdhënie, përgjigjet ishin:
-Më pëlqejnë meshkujt e gjatë sepse më duket e çuditshme që unë të jem më e gjatë dhe ta shikoj nga lart mashkullin tim.
-Mua më pëlqejnë meshkujt e gjatë sepse mund të vesh taka të larta dhe sërish nuk dukem më e gjatë se ata.
-Më japin siguri.
-Kur i përqafoj më pëlqen t’i vendos duart rreth qafës së tij.
Sipas ekspertëve, meshkujt e gjatë rezultojnë të jenë edhe më të zgjuar, por në të njëjtën kohë, kjo nuk do të thotë se ata që janë të shkurtër janë më pak të zgjuar.