Milionerja më e re e Britanisë u shpreh se lotaria i ka shkatërruar jetën, duke bërë ofertë për këdo që pranon të dalë me të.
23-vjeçarja, Jane Park, pushtoi mediat një muaj më parë pasi bëri ofertën, duke thënë se e bën pas një numër marrëdhëniesh të dështuara që e lanë vetëm me pasurinë e saj.
Po ç'ka ndodhur me të dhe si ka qenë ecuria e "tenderit" të saj?
Jane thotë se i erdhën mesazhe pa fund në të gjitha rrjetet sociale me djem që donin të bëheshin i dashuri i saj.
Ofruesit kishin dërguar mesazhe që nga Rusia, Amerika e Gjermania. Përveç kësaj, ndjekësit në Instagram janë dyfishuar.
Ajo nuk ka treguar ende nëse e ka zgjedhur një djalë, por ditët e fundit postoi një foto ku tregonte që po shihte TV në shtëpi me një shok.
Kështu që gjuetia ndoshta ka mbaruar.
Ajo ishte vetëm 17 vjeç kur shënoi 1 milion funte në biletën e saj të parë. Që prej asaj kohe, ajo e ka llastuar veten me makina, pushime dhe kirurgji plastike.
Por, gjithsesi Jane ka deklaruar se jeta e saj ishe më e mirë para se të fitonte paratë.