Merr formë fytyra e 26-vjeçarit që qëlloi veten në gojë, rezultatet janë të mahnitshme

Një i ri nga Kalifornia iu nënshtrua një operacioni të rëndë të transplantimit të fytyrës pasi qëlloi veten me armë në gojë dhe rezultatet e operacionit i ka ndarë me mbarë botën.

Cameron Ward, 26 vjeç, i shkaktoi vetes plagë shkatërruese në qershor të vitit 2016-të. Shpërthimi i armës brenda gojës së tij e shpërfytyroi komplet duke ia dëmtuar hundën, dhëmbët, nofullën e poshtme, pjesën e sipërme të fytyrës dhe qiellzën.

Cameron Ward.

Pas incidentit, mamaja e tij bëri disa përpjekje nëpër kirurgji tradicionale të rindërtimit deri sa hasi në Dr. Eduardo Rodriguez në New York.

Beverly Bailey-Potter, nëna e Cameron, tha:

Kur lexuam se çfarë kishte bërë Dr Rodrigues për pacientët e tjerë, e dinim se ai ishte i vetmi të cilit mund t’ia besonim jetën e Cameron. Ishim të gatshëm të udhëtonim për shumë orë.”

Camoreon Ward ndërmori operacionin kirurgjik rreth 11 muaj më parë dhe ndërhyrja për transplantin e fytyrës së tij zgjati rreth 25 orë, ku ndihmën më të madhe e dha planifikimi kirurgjikal i kompjuterëve të cilët projektuan në 3D fytyrën e 26-vjeçarit.

Procedura kërkoi transplantimin dhe rindërtimin e kockave të sipërme dhe të poshtme të nofullës, 32 dhëmbët, mishrat, qiellzën, qepallat, faqet, hundën dhe kanalet e hundës.

Camerona Ward është ende në rikuperim dhe po punon që të fitojë lëvizshmërinë e shqisave të tij.

Ç'është më e rëndësishmja, më në fund ai ka një shans për t'u kthyer në jetesën që kishte dikur.

26-vjeçari tha:

Jam shumë mirënjohës për këtë transplant të fytyrës sepse kjo më jep një shans të dytë në jetë. Edhe pse jam ende duke u rikuperuar dhe duke rikthyer ndjesitë dhe lëvizshmërisë, kryesisht me buzët e mia, jam ende shumë i lumtur me rezultatet. Unë kam një hundë dhe një gojë kështu që unë jam në gjendje të buzëqesh, të flas dhe të ha ushqime të forta përsëri.”

Donatori i Cameron Ward ishte 23-vjeçari William Fisher. Donatori: William Fisher ishte shkrimtar, regjisor, lojtar shahu i cili studioi në Universitetin Johns Hopkins. Ai u përshkrua nga familja si tepër i mençur për vitet që kishte. Ai vdiq papritur në janar 2018 pas një beteje me sëmundjet mendore. Fisher një donator i regjistruar organesh, nuk ka dhënë vetëm fytyrën për Cameron. Ai gjithashtu i dhuroi veshkat, mishrat, sytë dhe indet.

Donatori William Fisher.

Nëna e 23-vjeçarit Fisher u ngazëllye nga rezultatet në fytyrën e Cameron.

Transplantet e fytyrës nuk janë aq të zakonshme. Procedura e parë kirurgjike e këtij lloji është operuar në Francë në 2005. Që atëherë, më shumë se 40 transplantime të fytyrës janë bërë në mbarë botën.

Në një deklaratë Cameron Ward tha:

Shpresoj që përvoja ime të frymëzojë të tjerët që kanë lëndime të rënda të fytyrës dhe u them që të mos e humbasin kurrë shpresën. Edhe unë u frymëzova nga të tjerët para meje. Udhëtimi im nuk ka qenë aspak i lehtë, por ja vlen!”

JOQ Albania