Aktorja shqiptare Monika Lubonja ka befasuar jo pak ndjekësit e saj në Instagram teksa ka postuar një foto lakuriq nga mesi e lart.
Monika i ka bashkangjitur fotos një poezi, e cila ka një mesazh të fortë brenda. Por pavarësisht poezisë, ndjekësit e aktores janë fokusuar tek fotoja e saj, e cila vjen në një formë krejt ndryshe nga sa publikon zakonisht në rrjetet sociale.
Monika Lubonja shkruan:
Jam lakuriq.
E hodha pelerinën
Qendisur me thërmiza pushteti.
E hodha te kazani i plehrave
Dhe urova, mos ta ketë gjetur askush.
S’më kish ngrohur kurrë.
I ndarë nga njerëzit me mur,
vetja më dukej në qivur.
S’e di, nëse shpëtova shpirtin!...
S’e di, nëse fitova qetësinë!...
Miq!
Tani jam lakuriq.
Thërmizat e pushtetit
Më ngjajnë si yje
Në qiellin-pelerinë të një nate acar.
(Mijëra,... miljona,... pakëmbë e pakrye)
E prapë
Kupa e qiellit më rëndon si një e vrarë.”