Pasi Apple prezantoi dizajnin e ri për 10 vjetorin e iPhone, thuhet se edhe Samsung po kërkon të bëjë një zhurmë të madhe me telefonin e tij të 10-të Galaxy S.
Sipas Wall Street Journal, një variant i ardhshëm i Galaxy S10, i njohur si "Beyond X", do të ketë një ekran masiv prej 6.7 inç, gjashtë kamera dhe mbështetje 5G.
Raporti gjithashtu vuri në dukje se gjiganti korean i teknologjisë do të prezantojë tre variante të tjera të Galaxy S10, me ekranet që variojnë midis 5.8 inç dhe 6.4 inç.
Këto variante janë të ndara nga “Beyond X” që mund të suportojë 5G.Këto tre variante njihen brenda vendit si " Beyond 0", " Beyond 1" dhe " Beyond 2", dhe do të kenë midis tre dhe pesë kamera secila.
Pajisja ka të ngjarë të prezantohet në shkurt të vitit të ardhshëm. Përveç këtyre katër pajisjeve, Samsung po punon edhe në një telefon të palosshëm që pritet të nisë në mars, një muaj pas modeleve S10. JOQ Albania
