Ndërkohë që banorët e Astirit kanë protestuar në qendër të Tiranës ku kërkojnë një takim me instancat e bashkisë ose me vetë kryebashkiakun Veliaj, Kuvendi ka vijuar punën normalisht pa vrarë mendjen që mbi 300 familje me shumë mundësi do jenë në qiell të hapur dhe pa një qindarkë në xhep pas pak ditësh.
Për këtë mund të thuhet vetëm shprehja “Qyteti digjet, Pushteti krihet!”.
Me thirrjet “Nuk jemi shpellarë, jemi qytetarë”, “Poshtë hajdutët”, “Qeveri e korruptuar” e me radhë të cilat ia drejtojnë kryeministrit Rama, kryebashkiakut Veliaj dhe ministrit të Infrastrukturës Damian Gjiknuri banorët kërkojnë anulimin e projektit ose së paku dëmshpërblim me çmimin e tregut të pronave të tyre.
Projekti i “Unazës së Re” që parashikon ndërtimin e një autostrade nga Sheshi Shqiponja deri te Pallati me Shigjeta rrezikon të rrafshojë rreth 317 shtëpi.
Banorët përsërisin vazhdimisht që janë pikërisht ata të cilët me punën dhe kontributin e tyre ia dhanë vlerës zonës së Astirit dhe e dënojnë ashpër arrogancën e pushtetit që nuk denjon t’i dëgjojë.
Disa nga momentet më pikante nga protesta e sotme para Bashkisë Tiranë, ku u hodhën tymuese, shashka, vezë dhe forcat policore ishin më të shumta në numër.
JOQ Albania