Mesa duket, Mark Zuckerberg është gati të fillojë të rimarrë disa nga ato 22 miliardë dollarët që i ka investuar kur bleu platformën e mesazheve, WhatsApp në vitin 2014.
Aplikacioni i mesazheve njoftohet se do të fillojë të fusë reklama në skedën 'Statusi' që do të shihet tek më shumë se 1.5 miliard njerëz që e përdorin.
Chris Daniels, nga kompania, konfirmoi për Outlook India se kjo mënyrë do të jetë burimi i ardhshëm i parave të WhatsApp-it.
Daniels tha:
Kjo do të jetë mënyra kryesore se si kompania do të gjenerojnë para duke u krijuar kështu edhe bizneseve një mundësi që të arrijnë njerëzit në WhatsApp.
Të themi të drejtën, ky veprim nuk po del saktësisht nga askund.
Qëkur Facebook bleu WhatsApp-in ka pasur pëshpëritje që do të ndiqnin të njëjtën formë të shfaqjes së reklamave tek përdoruesit.
Wall Street Journal ka qenë e para që paralajmëroi se mbi 100 kompani planifikonin të fillonin reklamimin në aplikacione, duke filluar nga viti 2019. /JOQ.al/