Të gjithë e kemi dyshuar, por shumë pak prej nesh besonin se mund të ishte e vërtetë. Tashmë është zyrtare, dy gjigandët e teknologjisë, Apple dhe Samsung janë duke ngadalësuar telefonat tanë me qëllim.
Dy kompanitë janë gjobitur me sasi të mëdha – mirë, për ne, jo për ata – për ngadalësimin me qëllim të telefonave të tyre.
Të dy kompanitë janë gjobitur nga 10 milion (£ 8.82m) dhe 5m (£ 4.41m) përkatësisht nga hetuesit në Itali për atë që ata po e quajnë 'vjetërsinë e planifikuar'.
Në thelb, kjo do të thotë se ata kanë ndërtuar telefonat me synimin e drejtpërdrejtë që t’i ngadalësojnë me kalimin e kohës, duke ju detyruar të blini një të ri.
Hetimi u nis në janar nga organi italian përgjegjës për monitorimin e konkurrencës midis kompanive, dhe ata zbuluan se përditësimet e softuerit nga të dy kompanitë në të vërtetë kishin një efekt të dëmshëm në punën e pajisjeve të tyre.
Mendohet se kjo është hera e parë që një vendim i tillë është bërë kundër çdo kompanie telefonash të zgjuar, megjithëse ishte dyshuar për pak kohë se diçka e tillë po ndodhte.
Kushdo që ka zotëruar ndonjëherë një prej telefonave të Apple ose Samsung, me shumë siguri duhet të njihet me vdekjen e pashmangshme të telefonit të tyre pa fajin e vet. Tashmë e dini se pse ndodh. /JOQ/
