Ishte ky denoncimi i bërë disa ditë më parë në redaksinë e JOQ.
Pamjet që të prekin në shpirt tregojnë një grup gjuetarësh mbi një Fuoristradë të cilët në mburrje e sipër se kanë dalë plot nga gjuetia, një sorkadhe dhe i vogli i saj të përgjakur në tokë.
Në bazë të ligjit "Për shpalljen e moratoriumit të gjuetisë", këta persona janë vënë përpara përgjegjësisë ligjore.
Shteti duket inaktiv në lidhje me këtë moratorium që gjithnjë është shpërfillur dhe vetëm falë denoncimit të qytetarëve, raste të tilla të rënda evidentohen, kur thuajse telefonatat në numrat e policisë injorohen.
NJOFTIMI I POLICISË
Korçë
Lidhur me foton e publikuar në rrjetet sociale, ku shfaqen 6 shtetas me një mjet tip fuoristradë, me dy armë gjahu dhe kafshë të egra të vrara, informojmë se shërbimet e Komisariatit të Policisë Korçë dhe Kolonjë, kanë kryer verifikimet përkatëse, identifikimin dhe shoqërimin e shtetasve të mëposhtëm:
– E.L, L.Ç, S.G, banues në Korçë;
– L.M, banues në fshatin Polenë,
– A.D dhe D.D, banues në fshatin Leshnjë, Kolonjë.
Në bazë të ligjit "Për shpalljen e moratoriumit të gjuetisë" u bë bllokimi i armëve të gjahut, së bashku me lejet përkatëse dhe vërtetimet mbi regjistrimin e armëve. Inspektoriati i Pyjeve dhe Mjedisit ka ndëshkuar me masë administrative dy prej shtetasve.
Policia e Korçës gjen rastin të falenderojë iu bën thirrje qytetarëve të denoncojnë falas në numrin 112 çdo rast të gjuetisë së paligjshme, duke garantuar reagim të shpejtë dhe vënien përpara përgjegjësisë të çdo shkelësi.