A munden hakerët të shohin mikun e fundit që kërkuat në Facebook, ose restorantin e fundit në të cilin ishit?? Sipas kompanisë, përgjigjja është "po".
Të premten, rrjeti social pranoi se adresat e emailit, numrat e telefonit dhe disa detaje të tjera të ndjeshme të llogarisë ishin vjedhur nga 29 milionë përdorues në një sulm të madh kibernetik.
Nëse doni të zbuloni nëse llogaria juaj është një ndër të vjedhurat, Facebook ka dërguar një seri mesazhi për t'jua bërë të ditur.
Gjëja e parë që duhet të bëni pasi të keni hyrë në llogarinë tuaj është të shkoni në këtë faqe të qendrës së ndihmës. Nëse lëvizni poshtë, duhet të gjeni një nga disa mesazhe të mundshme.
Rreth 15 milionë njerëz kanë pasur emra, adresa elektronike dhe numra telefoni të marra.
14 milionë të tjerëve u kanë vjedhur edhe më shumë të dhëna "specifike", përfshirë qytetin e lindjes, qytetin aktual, fenë dhe statusin e marrëdhënieve.
Detajet e mëtejshme të marra nga ky grup i përdoruesve përfshijnë 10 vendet e fundit që keni kontrolluar ose keni qenë të etiketuar, dhe 15 kërkimet tuaja më të fundit në Facebook.
Çdokush që nuk është i ndikuar nga sulmi kibernetik duhet të gjejë një mesazh në qendrën e ndihmës që u thotë se detajet e tyre të llogarisë nuk janë kompromentuar.
Përtej të mësuarit se çfarë lloje informacioni kanë arritur të aksesojnë sulmuesit kibernetikë, përdoruesve adresat e të cilëve janë vjedhur nuk u mbetet gjë tjetër veçse të presin për emaile apo mesazhe dyshuese.
/JOQ/
