Të dhënat nga buletini i Ministrisë së Punëve të Brendshme të Maqedonisë së Veriut tregojnë se ka shënuar rritje sasia e konfiskuar e marihuanës, kokainës dhe llojeve të tjera të drogës gjatë aksioneve policore në terren.
Hulumtimi i organizatës joqeveritare “HOPS – Opsione për një jetë të shëndetshme”, thekson se së fundmi kokaina ka zëvendësuar heroinën si droga e dytë më e përdorur në mesin e të rinjve në Maqedoninë e Veriut menjëherë pas kanabisit.
Vllatko Dekov nga kjo organizatë, tha se një gram kokainë e pastër në mesin e të rinjve shitet për 100 euro.
“Gjenerata më të reja mbase mund të mos kenë mjete të mjaftueshme për të blerë një gram kokainë, por këtë e zgjidhin në mënyrë që i mbledhin paratë dhe më pas, atë një gramësh e ndajnë në katër pjesë. Zakonisht këtë e bëjnë gjatë vikendeve ose dy herë brenda muajit. Nëse më herët bashkë me kanabisin, si substancë më e përdorur ishte heroina, tani është kokaina”, tha Dekov.
Hulumtimi që ka realizuar HOPS, duke pasur në fokus përdoruesit e substancave psikoaktive, tregon se personat që përdorin drogë, në përgjithësi, nuk janë të sigurt nëse substanca që ata marrin është e pastër apo e përzier.
Mbi 65 për qind e të anketuarve kanë theksuar se kanë konsumuar substanca, për të cilat nuk kanë qenë të sigurt se çka kanë qenë.
Korniza ligjore në Maqedoninë e Veriut nuk ofron një mundësi të qarta për të kontrolluar/analizuar përbërjen e substancave narkotike që janë gjithnjë e më të pranishme në tregun ilegal të drogave dhe substancave psikoaktive.
Në tetor, organizata joqeveritare HOPS, ka iniciuar dhe një fushatë për të ndryshuar kornizën, duke kërkuar një ndryshim në praktikë nga autoritetet për t’i lejuar njerëzit që përdorin drogë, të testohen për substancën pa u ndjekur penalisht.
Nga kjo organizatë thanë se qëllimi i kësaj nisme është të zvogëlohet rreziku i njerëzve që përdorin substanca psikoaktive, duke reduktuar numrin e vdekjeve dhe pasojat e tjera shëndetësore.
“Duhet hapja sa më parë e një Programi për kontrollin dhe analizimin e substancave psikoaktive, i cili njihet në botë me emrin programi i ‘kontrollit të drogës’. Ne sapo kemi filluar një iniciativë të tillë dhe tashmë kemi pasur takime fillestare me Ministrinë e Shëndetësisë për të gjetur një model se si mund të testohen këto substanca, sepse këto programe bazohen kryesisht në parimin e reduktimit të dëmit në shëndetin e përdoruesve të këtyre substancave” sqaroi Dekov.
Ai nënvizoi se përmes kontrollit të substancave narkotike synohet të zbulohet përmbajtja e tyre dhe këto informacione t’ua vënë në dijeni përdoruesve përfundimtarë në mënyrë që të reduktohet ekspozimi ndaj rrezikut.
Pyetjes së anketës se, “a do ta kontrollonit në mënyrë anonime substancën në programe të tilla nëse do të hapeshin në Maqedoninë e Veriut”, 84% e të anketuarve janë përgjigjur pozitivisht, 10% janë përgjigjur se nuk janë të sigurt dhe vetëm 6% e tyre kanë thënë se nuk do ta bëjnë.
Nga Ministria e Punëve të Brendshme thanë se 90 për qind e drogave që “tregtohen” në Maqedoninë e Veriut në pakicë janë të papastra, por autoritetet policore shtojnë se kokaina përzihet me xham neoni të grimcuar, kurse heroina me helm për minj madje dhe me beton.
“Përzierja e drogës më së shumti bëhet në ambiente private, strehimore, depo”, theksohet në njoftimin e Ministrisë së Brendshme maqedonase.
Klinika e Toksikologjisë në Shkup tha se është rritur numri i personave që konsumojnë alkool dhe drogë. Rritje e abuzimit me drogat shihet veçanërisht te të rinjtë.
Në rastin e abuzimit me drogën është shënuar një rritje prej 281 për qind krahasuar me gjysmën e parë të vitit të kaluar.
Numri më i madh i helmimeve nga droga është për shkak të përdorimit të kokainës, kur ajo përdoret së bashku me pijet alkoolike.
“Kokaina abuzohet sepse shkakton eufori intensive, rrit vigjilencën, stimulon mendërisht epshin dhe shkakton imazhe të bukura dhe halucinacione joreale”, sqaroi mjeku Andon Çibishev, nga Klinika e Toksikologjisë në Shkup.
Ai theksoi se të rinjtë që abuzojnë me kokainën, kanë probleme serioze me zemrën.
Në nëntë muajt e parë të vitit janë kapur tri transporte marihuanë dhe janë shkatërruar pesë grupe kriminale që vepronin në nivel kombëtar në tregtinë ilegale të marihuanës dhe kokainës, ku përfshiheshin 28 shtetas të Maqedonisë.
Po ashtu, janë sekuestruar 71 kilogramë marihuanë dhe 1.5 kilogram kokainë.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Zotëria nga Tirana
I pari në listë është zotëria nga Tirana, i cili kurrsesi nuk donte që vajza e mitur të lagte këmbët nga rrugët e përmbytura të Tiranës. Ai e mori në shpinë dhe bashkë me të kaloi rrugën e përmbytur. Në gjithë atë kaos që përfshiu Tiranën, fotoja e këtij zotërie, që nuk dihet se cili është, babai apo gjyshi, me vajzën në shpinë mori komente pozitive dhe u cilësua heroi i vajzës në atë moment.
I riu fisnik
I dyti në listë është i riu fisnik, i cili ishte prezent në momentin kur një i moshuar u aksidentua me biçikletë. Ai nuk qëndroi indiferent dhe të vazhdonte rrugën, por u kujdes për të moshuarin e lënduar derisa mbërriti ambulanca. Madje ishte vetë ai që e njoftoi ambulancën.
Grupi i shokëve
I treti është i riu nga Tirana, bashkë me miqtë e tij, të cilët ndihmuan me aparat oksigjeni të moshuarën në Durrës. Ndër të tjera, ata blenë ushqime dhe dhuruan disa para për atë familje në nevojë. Gjesti fisnik i këtyre djemve ka marrë shumë komente pozitive.
Burri nga Tirana
I katërti është burri nga Tirana, i cili në kohën kur Tirana ishte e përmbytur dhe pothuajse asnjë rrugë e pakalueshme, ai u angazhua personalisht për të krijuar mundësi kalimtarëve që të kalonin nga një anë e rrugës në tjetrën. Videoja e tij mori shumë komente pozitive dhe u duartrokit nga të gjithë qytetarët.
Shqiptarët në Angli
Në listë janë edhe shqiptarët në Angli, të cilët nuk heshtën përballë një padrejtësie që iu bë një bashkëkombësi të tyre. Ata protestuan pas vdekjes së Alfredit, i cili i dha fund jetës në kampin e refugjatëve në Angli, për shkak të kushteve të mjerueshme në kamp. Ata u përplasën edhe me policinë angleze.
Punonjësja e policisë
E gjashta në listë është punonjësja e policisë, i cili në motin e keq që përfshiu vendin, ajo u pa teksa shtynte makinat e ngecura në borë. Përveç ndihmës së saj në menaxhimin e situatës ajo dha edhe ndihmë fizike. Videoja e saj ka marrë shumë reagime pozitive.
Djemtë e aplikacionit Catia.app
Të shtatët në listë janë djemtë e aplikacionit Catia.app, të cilët sapo dëgjuan thirrjen e të moshuarës që jetonte vetëm dhe në kushte të mjerueshme në një fshat të Dibrës reaguan menjëherë. Ata i dërguan nënë Shahes ndihma të shumta, ushqime dhe veshmbathje. Veprimi i tyre është duartrokitur nga shumë njerëz dhe ata u kthyen në heronj të nënës që nuk kishte jetuar një ditë të lumtur.
Erzen Zyberaj
I teti në listë është Erzen Zyberaj, atleti i cili u nis nga Prishtina për në Tiranë, në këmbë, si një mesazh bashkimi për festën e 28 Nëntorit. Atleti tha se ky ishte një amanet i babait të tij dhe arriti që t'ia mbajë. Zyberaj u prit nga shesh nga shumë shqiptarë që përveçse e duartrokitën edhe e përqafuan për mesazhin që dha.
Haram i Muajit
KLIKO PËR TË VOTUAR
Gera Kulla
E para në listë është gruaja që jeton në zonën e "Myslym Shyrit", e cila u filmua në ashensor, teksa dhunonte qenin e saj. Gera Kulla, në videon e publikuar nga JOQ, e shkelmon qenin që mban në shtëpi disa herë rresht brenda në ashensor. Në rrjetet sociale, Kulla shtirej si një njeri që i donte kafshët.
Jorgaq Thëngjilli
I dyti është i riu Jorgaq Thëngjilli, i cili shkaktoi aksidentin e rëndë pranë Kryeministrisë. Ai po ecte me shpejtësi, në mes të Tiranës, duke dalë nga rruga dhe duke përfunduar në trotuar. I riu me “Benz” përplasi në trotuar, një çift, te cilët po kalonin.
Majlinda Dehima
E treta në listë është Majlinda Dehima, edukatorja që dhunoi në kopështin privat një 2-vjeçare, duke i lënduar edhe këmbën. Edukatorja është arrestuar, pasi akuzohet për keqtrajtim ndaj të miturve.
Eglantina Isufi
E katërta në listë është nëna që braktisi foshnjën në bodrumin e një pallati në Yzberisht. Eglantina Isufi la foshnjën e porsalindur në bodrum dhe u largua. Fatkeqësisht foshnja nuk ia doli dot, ndërsa 30-vjeçarja u arrestua.
Nëna nga Saranda
E pesta është nëna nga Saranda, e cila prostituuonte vajzën e saj të mitur. E ëma e të miturës binte dakord që vajza e saj të kryente mardhënie seksuale në këmbim të parave.
Ervin Manushi
Ervin Manushi, vëllai i moderatorit Edi Manushi, pavarësisht se ka fitime miliona lekë në muaj në bizneset e tij i lë punonjësit pa paguar. Pronari i Nazar në Palasë, Yamatos, Restorant Ullirit, dhe Nona në ish-Bllok ka muaj të tërë që ka lënë pa rroga të punësuarit e tij. Ata kanë denoncuar pronarin e tyre me ndikim të fortë në politikë e media se kanë ende pa marrë rrogat tek Nazar që prej muajve të sezonit veror.
Shitësja në Fier
E shtata është shitësja në Fier, e cila me vetëdije të plotë u jepte cigare të miturve në dyqanin e saj. Për më tepër, edhe ua ndizte vetë. Shitësja u kap nga disa të rinj, të cilët të shqetësuar denoncuan rastin pranë JOQ-së.
Faturino manjak
I teti në listë është faturino manjak. E kemi fjalën për faturinon e linjës së Kopështit Zoologjik, i cili masturbohej para një vajze brenda urbanit. Vajza e filmoi faturion dhe e dërgoi videon pranë JOQ-së. Policia nuk mori masa ndaj tij, por kompania po. Mësohet se ai është shkarkuar nga puna.
