Të shtëna me armë zjarri janë regjistruar mesnatën e sotme në qytetin e Kuçovës.
Ngjarja ka ndodhur në lagjen “1 Maji” aty ku autori me inicialet L.S ka qëlluar disa herë me pistoletë në drejtim të Donald Grymshit.
Ky i fundit me plagë të rënda është transportuar drejt Spitalit Rajonal Berat, ku pasi ka marrë ndihmë e parë mjekësore aty, është transportuar drejt Spitalit të Traumës në Tiranë.
Mësohet se i plagosuri kishte humbur shumë gjak dhe ishte në gjendje kritike për jetën.
Ende nuk dihen shkaqet e ngjarjes dhe shkaku i plagosjes së Donald Grymshit.
Policia ka shkuar në vendin e ngjarjes dhe po heton rrethanat.
