Policia e Kosovës ka dhënë detaje në lidhje me zhvillimet në veri.
Në një komunikatë për media, Policia ka thënë se është duke asistuar kryetarët e komunave veriore për të ushtruar të drejtën e tyre në punë, në objektet zyrtare të komunave përkatëse.
Sipas raportimeve të deritashme, serbët lokalë në këto komuna kanë bllokuar hyrjet e objekteve komunale duke mos lënë kështu të zgjedhurit të hyjnë në zyret e tyre.
Njoftimi i plotë nga Policia e Kosovës:
Angazhimet policore në mbarëvajtje të sigurisë. Prishtinë, më 26 maj 2023
Policia e Kosovës (PK), sipas autorizimeve ligjore dhe kushtetuese po ndërmerr veprimet e saja policore në ofrimin e sigurisë, ruajtjen e rendit dhe sigurisë publike si dhe ndërmarrjen e masave policore me qëllim të parandalimit të të gjitha veprimtarive kriminale që paraqiten në vend.
Sipas detyrës zyrtare, sot Policia e Kosovës është duke asistuar kryetarët e komunave veriore Zveçan, Leposaviq dhe Zubin Potok, për të ushtruar të drejtën e tyre në punë, në objektet zyrtare të komunave përkatëse.