7 të rinj kanë denoncuar pranë redaksisë sonë një episod të pakëndshëm që u ka ndodhur në aeroportin e Tel Avivit në Izrael.
“U nisëm nga Shqipëria për ndeshjen Izrael-Kosovë, policia na bllokoi në aeroportin e Tel Avivit dhe na mori pasaportat” pic.twitter.com/GXIum5t9B0
— JOQ Albania (@JoqAlbania) March 25, 2023
Ata shprehen se ishin nisur nga Shqipëria për të parë ndeshjen e ditës së sotme Kosovë-Izrael por që prej orëve të para të mëngjesit të sotëm janë bllokuar në aeroport nga policia izraelite.
Sipas të rinjve arsyeja e bllokimit në aeroport ishte dyshimi se ata kishin ardhur për punë në Izrael, por në fakt të rinjtë shprehen se i kanë patur të gjitha dokumentat në rregull, përfshirë prenotimet e hotelit dhe biletat e ndeshjes.
Të rinjtë denoncojnë se u kanë marrë edhe pasaportat shqiptare dhe për momentin ndodhen në aeroport. Ata shprehen se kanë paguar rreth 600 euro personi dhe tashmë janë detyruar ta ndjekin ndeshjen në aeroport.
