“Ata kthejnë 50, ne do ikim 500”, anglezët të shqetësuar për reklamat e shqiptarëve me gomone në TikTok

Shqiptarët duket se janë kthyer në një "problem" të madh për anglezët pasi çdo ditë janë në qendër të vëmendjes së mediave.

Së fundmi "TheSun" ka shkruar për numrin e lartë të shqiptarë që po ndërmarrin udhëtimin me gomone tani në janar. Në artikullin e tyre thuhet se reklamat e kontrabandistëve shqiptarë të njerëzve në TikTok janë rritur shumë bashkë me udhëtimet me gomone. Të dielën, mbërritën në brigjet angleze 10 gomone me 442 emigrantë.

Pavarësisht paralajmërimit nga Sekretarja e Kulturës, Michelle Donelan se do të ndalohen reklamimet në internet, shqiptarët duket se nuk ka asgjë që i ndalon. Në një reklamë të fundit në TikTok ata shkruajnë:

Ata kthejnë 50, ne do të ikim 500. Na kontaktoni shqipe për nisjen e radhës. Vetëm SMS.

Ndërkohë një tjetër shkruante:

Askush nuk do t'ju kthejë. Ju mbajnë vetëm një javë në qendrën e paraburgimit. Ne kemi një super çmim 4500 paund. Pagesa në mbërritje.