“Më kërcënonin familjen”/ Shqiptari që u kap në ‘shtëpinë e barit’ dënohet me burg. Ja çbëri kur i shkoi policia në derë

Shkruar nga: Y Pepa | Publikuar më: 25.01.2023, 17:54

Një shqiptar, që u gjet në një shtëpi bari me pesë dhoma të veçanta të përdorura për rritjen e kanabisit, pretendoi se ai punonte atje vetëm për shkak të kërcënimeve që u bëhen familjes së tij nga trafikantët.

Adrian Voci, 25 vjeç, u paraqit në Gjykatën e Liverpoolit, pasi kaloi shtatë muaj në paraburgim dhe u dënua me 51 javë burg.

Mbrëmjen e 15 gushtit 2022, policia ekzekutoi një urdhër kontrolli në Park Road South, Newton-Le-Willows, ku pas mbërritjes ata mundën të shihnin sistemet e ventilimit nga dritarja dhe ndjenin erën e kanabisit.

Voci, mund të shihej lart duke përdorur një pishtar dhe pasi policia trokiti, ai erdhi te dera para se të kuptonte se kush ishte dhe nisi të vraponte në katet më lartë. Atij i thanë të hapte derën, por nuk pranoi.

Francis Wilmot, procedues, tha: “Policia e detyroi të hapte derën për të hyrë në shtëpi dhe ky i pandehur u ngjit në papafingo dhe u duk se filloi të dëmtonte pllakat e çatisë për t’u arratisur në çati. Ai qëndroi në papafingo për rreth një orë e gjysmë para se të arrestohej.

Kur u kontrollua adresa, u gjet rritje e sofistikuar e kanabisit. Kishte pesë dhoma të veçanta rritjeje në këtë shtëpi.”

U sekuestruan 175 bimë, të cilat nëse do të rriteshin plotësisht, bimët do të kishin prodhuar midis 5-15 kilogramë kanabis dhe do të vlenin midis 50-200 mijë paund në tregun britanik.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit