Shkëndija elektrike djeg shtëpinë e dy të moshuarve në Lushnje, kryefamiljari: Nuk ka shpëtuar asgjë

Shkruar nga: S Shtjefni | Publikuar më: 25.01.2023, 15:18

Një shkëndijë elektrike ka djegur shtëpinë e të moshuarve në Lushnje, ngjarja raportohet se ka ndodhur rreth orës 2 pas mesnate ku fillimisht është vënë re nga i zoti i shtëpisë Elmas Korraqe në ambientin e kuzhinës. Më pas flakët janë përhapur në ambientet e tjera të shtëpisë duke rrezikuar kështu dhe jetën e bashkëshortes e cila ka tentuar të shuajë flakët. Konkretisht ngjarja ka ndodhur në fshatin Thanë të njësisë Fiershegan në Bashkinë Lushnje.

Ndërkohë kryefamiljari ka treguar momentin kur banesa e tyre u përfshi nga flakët.

"Në 2 pa 10 dëgjova një zhurmë, isha në gjumë, mendova se ishte frigoriferi kur stakohet. Kur hap derën kishte shumë tym, kur u fut gruaja brenda del flaka, po përpiqesha ta gjeja, nga drita arrita ta gjeja. Nuk ka shpëtuar asgjë. Instalimet kanë qenë të vjetra."-u shpreh kryefamiljari.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit