Sherr me armë zjarri në ish-bllok, arrestohet 27-vjeçari i shpallur në kërkim

Shkruar nga: S Shtjefni | Publikuar më: 25.01.2023, 13:36

Policia e Tiranës ka arrestuar 27-vjeçarin Xhulio Vela, i cili ishte shpallur në kërkim për një sherri me armë zjarri. Ngjarja bëhet e ditur se ka ndodhur në tetor të vitit 2021 në ish-bllok, kur shtetasi Xhulio Vela u konfliktua me armë zjarri me disa shtetas për motive të dobëta dhe mbeti vetë i plagosur. Zhulio Vela është dënuar për veprën penale “Kundërshtimi i punonjësve të policisë dhe rendit publik”.

Njoftimi:

Tiranë/Vijon puna për kapjen e shtetasve në kërkim dhe vënien e tyre përpara përgjegjësisë ligjore.

U konfliktua me armë zjarri, me disa shtetas, në tetor 2021, kapet dhe vihet në pranga 27-vjeçari që ishte i shpallur në kërkim.

Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim, bazuar në informacionet e siguruara përmes inteligjencës informative, për vendndodhjen e një shtetasi në kërkim, menjëherë kanë organizuan punën dhe në rrugën “Babë Rexha”, kanë lokalizuar dhe ndaluar shtetasin Xh. V., 27 vjeç, banues në Mamurras.

Gjykata e Shkallës së Parë Tiranë ka caktuar ndaj këtij shtetasi, masën e sigurisë “Arrest në burg”, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe municionit”.

Në tetor të vitit 2021, në rrugën “Frosina Plaku”, shtetasi Xh. V. është konflikuar me armë zjarri, me disa shtetas, për motive të dobëta. Pas ngjarjes, Policia arrestoi 3 shtetas të përfshirë në këtë konflikt, si dhe sekuestroi një armë zjarri pistoletë.

Materialet i kaluan Prokurorisë, për veprime të mëtejshme procedurale.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit