Shqiptarët vijojnë të mendojnë se Shqipëria nuk është vendi i duhur për të ndërtuar themelet e jetës së tyre dhe të rinjtë çdo ditë e më shumë vendosin të emigrojnë dhe të vendosen në Europë, ku garancia për jetesën është më e madhe dhe kushtet janë shumë më të mira.
Të dhënat e reja, të publikuara nga Eurostat tregojnë se në gjysmën e dytë të vitit 2022, ritmet e largimit janë përshpejtuar akoma më shumë. INSTAT raporton se në periudhën janar-tetor 2022 kanë kërkuar azil në një nga vendet e Bashkimit Europian 10,975 shtetas nga Shqipëria.
Shtatori ishte muaji me më shumë fluks, pasi plot 1400 persona kërkuan azil në vendet evropiane. Në krahasim me vitin 2021, aplikimet për azil nga shqiptarët në BE janë rritur me 19%. Franca është destinacioni kryesor, me rreth 50% të aplikimeve dhe Gjermania renditet në vendin e dytë.
Nga ana tjetër, të dhënat zyrtare të “Home Office” në Britani raportojnë për plot 13,272 shqiptarë që kanë kërkuar azil, që përbën popullsinë më të madhe që ka zbarkuar në Angli në vitin e shkuar. Plot 25% e të gjithë atyre që kaluan Kanalin me gomone ishin shqiptarë.
Si përfundim, vetëm në 10 muajt e parë të vitit të shkuar plot 24 mijë shqiptarë lanë atdheun për të kërkuar azil në vendet e BE-së ose Britaninë e Madhe. Duhet theksuar se ky është vetëm numri zyrtar i atyre që janë larguar dhe jo totali, pasi një pjesë tjetër e madhe e të ikurve nuk janë prezantuar për të kërkuar azil.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
