Izbi Çaushi, 38-vjeçari shqiptar që akuzohet për vrasjen e “Amerikanit” mëngjesin e së premtes në Kalamatë mund të jetë arratisur në Shqipëri me një makinë me qira në emrin e tij.
Vitin e kaluar, më 22 nëntor, shqiptari e kishte marrë me qira automjetin nga një zyrë makinash me qira në Kalamata për 600 euro në muaj, por ai kishte paguar për dy muaj.Të dielën e kaluar ka skaduar qiraja dhe pronari i zyrës ka ngritur padi për përvetësim të makinës.
Ndaj 38-vjeçarit shqiptar është lëshuar një urdhër arresti nga organet e drejtësisë së Kalamatës dhe kërkimet për vendndodhjen e tij vijojnë. Ndërkohë që policia greke nuk përjashton mundësinë e arratisjes për të shmangur arrestimin pas krimit edhe pas gjetjes së strehimit të përkohshëm në Kitries.
Ditën e djeshme dy grekët që sipas Policisë kanë ndihmuar shqiptarin në kërkim dhe bashkëpunëtorin e tij 22-vjeçar duke i ofruar strehim dhe veshje të përkohshme kanë dalë para gjykatës. Të pandehurit grekë, pronari i restorantit dhe punonjësi i tij 40-vjeçar, mohojnë se kanë ndihmuar dy të pandehurit për vrasjen dhe thonë se bëhet fjalë për një keqkuptim.
Nga ana tjetër 22-vjeçari shqiptar Aleksandër Koto akuzohet për vrasje të përbashkët dhe si bashkëpunëtor i 38-vjeçarit shqiptar.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
