“Punonte për Edi Ramën”/ Arrestohet ish-zyrtari i FBI: Mori 225 mijë dollarë nga një ish-agjent i Shërbimit Informativ

Shkruar nga: A Koci | Publikuar më: 24.01.2023, 16:09

Charles McGonigal, një ish-zyrtar i lartë i FBI-së, ka rënë në pranga. Me një karrierë prej 22 vitesh, McGonigal akuzohet për shkelje të detyrës së ofruar nga Shtetet e Bashkuara të Amerikës, për të denoncuar korrupsionin, konkretisht në Shqipëri. Ish-zyrtari, sipas CNN, akuzohet se ka bashkëpunuar me kryeministrin Edi Rama, duke i dhënë informacione mbi lëvizjet e amerikanëve për të gjurmuar korrupsionin në Shqipëri.

Në Uashington, McGonigal akuzohet se ka punuar me Shërbimin Informativ Shtetëror (SHISH) në Shqipëri, duke marrë 225 mijë dollarë rryshfet. Prokurorët pretendojnë se gjatë disa udhëtimeve jashtë shtetit në Shqipëri, Austri dhe Gjermani, McGonigal u takua me kryeministrin e Shqipërisë, me një politikan kosovar dhe persona të tjerë duke dezertuar misionin e tij.

Në një takim McGonigal i kërkoi kryeministrit të Shqipërisë që të jetë “i kujdesshëm në lidhje me dhënien e licencave për shpimin e fushës së naftës në Shqipëri për kompanitë ruse ”. Për shërbimet e spiunazhit që kreu në favor të lejimit të korrupsionit të lartë shtetëror, ish-zyrtari i FBI u pagua nga një ish-zyrtar i SHISH, pasi mendohet se ka pasur interes financiar të lartë në vendimin e qeverisë për kontratat që lidhte.

Ky hetim mjafton që bashkë me ish-zyrtarin e FBI, në pranga të shkojë edhe kryeministri Edi Rama, ku sipas raportimit të CNN, dyshohet se ka nxitur dezertimin e McGonigal, në llogari të vendimeve të qeverisë së tij. Ky mendohet se nuk është rasti i vetëm kur zyrtarët shqiptarë arrijë të korruptojnë me pagesa të majme zyrtarët e huaj, të cilët kanë për qëllim gjurmimin e korrupsionit në vendin tonë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit