Shoferi harron të ngrejë frenat e dorës, furgoni përfundon në kanal

Shkruar nga: S Shtjefni | Publikuar më: 24.01.2023, 15:43

Një aksident ka ndodhur në Lezhë. Mësohet se një furgon pasagjerësh ka përfunduar në përroin e Manatisë pranë urës së Cenit në këtë qytet. Për fat të mirë nuk raportohet për viktima apo të plagosur. Shkak i ngjarjes mësohet se është bërë një pakujdesi nga ana e shoferit i cili ka harruar të ngrejë frenat e dorës dhe më pas mjeti ka rrëshqitur duke rënë në kanalin me ujë dhe pamjet e mbërritura në redaksinë e JOQ Albania e tregojnë mjaft qartë.

Njoftimi i Policisë:

Lezhë/Informacion paraprak

Në vendin e quajtur “Ura e Cenit”, tek stacioni i furgonave, shtetasi D. N., pasi ka parkuar automjetin furgon, është larguar pa e siguruar atë.

Për shkak të terrenit të pjerrët dhe tokës së rrëshqitshme nga shirat, automjeti ka rënë në kanalin pranë stacionit.

Në momentin e rënies, në automjet nuk ka patur asnjë shtetas. Furgoni është nxjerrë nga kanali dhe si pasojë e rrëshqitjes, i janë shkaktuar vetëm dëme materiale.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit