Ka pak ditë që është publikuar, por kënga e re e Shakirës me titull "Bzrp Music Sessions 53" kryeson listat.
Në tekstin e saj këngëtarja duket se e krahason tradhtinë e partnerit të saj, Gerard Pique, me makina dhe orë.
“Keni shkëmbyer një Rolex me një Casio” , dëgjohet të thotë ajo në një moment dhe vijon më poshtë: “Ke shkëmbyer një Ferrari me një Twingo”.
Natyrisht, fansat e saj dhe ata që e dëgjuan këngën e komentuan fuqishëm tekstin, ndërkohë që shpërtheu një “skandal”, pasi Rolex është një shtëpi luksoze ore dhe Casio një markë e besueshme, të cilës i besojnë dhe e blejnë miliona njerëz në botë.
Kjo “fyerje”, pra, nuk ka mbetur pa përgjigje nga kompanitë. Twitter-i që Casio vë në dukje se bateria në njërën prej orëve të tij zgjat më shumë se marrëdhënia Shakira-Pique, u bë virale, së bashku me të dytin që shkruan se klientët mbeten besnikë ndaj kompanisë.
“Sot kemi marrë disa njoftime për një referencë CASIO në një këngë. Orët, tastierat dhe kalkulatorët CASIO zgjasin një jetë ”, shkruhej në llogarinë zyrtare në Twitter.
Ndërsa vijuan: "Shakira, ne mund të mos jemi Rolex, por qartësisht klientët tanë na mbeten besnikë"dhe "Në mbrojtje të orëve tona, bateria e tyre zgjat më shumë se marrëdhënia e Shakirës dhe Pique."
E qartë dhe bullizuese në të njëjtën kohë ishte përgjigja nga Renault Spanja, e cila postoi një foto të një Renault Twingo të kuqe me një numër 22 në derë, një referencë e qartë për moshën e partneres së re të Pique, Clara Chia.
Shakira dhe Pique kanë dy fëmijë, Milanin 9-vjeçar dhe Shasha 7-vjeçare. Këngëtarja ka pranuar se karrierën e ka lënë pas për pak kohë për të qëndruar në Spanjë me partnerin dhe fëmijët. Për të cilën siç ka thënë ajo nuk është penduar pasi i ka mundësuar të krijojë një marrëdhënie të ngushtë me djemtë e saj. Çifti njoftoi ndarjen vitin 2022.
