“Ta paguaj dëmin por mos telefono para orës 12”/ I përplasin fuoristradën e parkuar në Tiranë, shoferi ngel pa mend nga letra që gjen mbi xham

Shkruar nga: M Gjini | Publikuar më: 12.01.2023, 18:56

Njeriu në Shqipëri nuk di se nga të ruhet më parë. Natyrisht këtij postulati nuk i shpëtojnë as pronat e tij, siç në rastin konkret është një makinë.

Një qytetar fatkeq kishte parkuar fuoristradën e tij në Bulevardin “Gjergj Fishta” në Tiranë por kur u kthye për ta marrë pas disa orësh nuk u besoi syve.

Mjeti i tij ishte përplasur nga pas nga një mjet tjetër i paidentifikuar duke u dëmtuar jo pak.

Nga pamjet duket se mjeti që e ka goditur nga pas, ka qenë me shpejtësi dhe me shumë mundësi duhet të ketë humbur kontrollin. Për fat të mirë, shoferi që kishte bërë dëmin mësohet se ka lënë një shënim tek makina e dëmtuar.

Por ky shënim e ka lënë pa fjalë shoferin e shkretë që sapo mësoi se i kishin përplasur makinën. Në shënim ishte lënë një numër telefoni ku shkruhej se dëmtuesi do të përgjigjej për dëmin e shkaktuar, por i dëmtuari duhet ta merrte në telefon vetëm pas orës 12.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit