Xherdan Shaqiri ka folur gjatë për mediat për fitoren me Serbinë dhe ndeshjen e ardhshme ndaj Portugalisë. Ylli i Zvicrës tregon se ishte i zemëruar kur u zëvendësua në ndeshjen e fundit në grup, si dhe flet për gjestin e Xhakës me organet gjenitale ndaj lojtarëve serbë.
Xherdani tregon se në çdo moment që Xhaka dhe ai preknin topin, stadiumi vërshëllente dhe shpërthenin të sharat. Shaqiri shton se në asnjë moment nuk duhet nënvlerësuar Ronaldo, edhe pse një pjesë e tifozëve të Portugalisë e duan në stol.
GOL NË 3 BOTËRORË RADHAZI – “Të jem në të njëjtën ‘tavolinë’ me Ronaldon dhe Mesin është diçka speciale për mua, pasi po flasim për dy lojtarët më të mirë në botë. E dija që në vitin 2018 se çfarë do të na priste. E doja sërish një gol ndaj Serbisë dhe jam i lumtur që ai erdhi sërish”.
IRRITIMI TE ZËVENDËSIMI – “E dija që në vitin 2018 se çfarë do të na priste. E doja sërish një gol ndaj Serbisë dhe jam i lumtur që ai erdhi sërish. Në një ndeshje si kjo besoj e kuptoni grumbullin e emocioneve që më përfshijnë, por këtë herë isha edhe më i përqendruar, më i përmbajtur, madje doja që ta luaja deri në fund atë sfidë.
Nuk isha i lumtur, sepse brenda meje besoja se mund ta kishim shënuar edhe një gol, i cili mund të na kishte dhuruar në 1/8-at duelin me Korenë e Jugut. Fakti që Brazili po humbte dhe neve na duhej vetëm një gol për të dalë të parët më nervozoi disi dhe këtë ia thashë edhe trajnerit. Gjithsesi, ai e kuptoi që ishte vetëm një eufori e momentit dhe aty përfundoi gjithçka”.
GJESTI I XHAKËS – “Në atë sfidë mua me Granitin na vërshëllenin sa herë që preknim topin. Por unë ia tregova pas golit duke i vënë në heshtje, ndërsa për sa i përket Xhakës mendoj se i dërgoi përshëndetjen dikujt që do ta ketë provokuar i pari”.
RONALDO – “Kini kujdes kur jepni për “të vdekur” një si Kristiano Ronaldo. Për mua, ai së bashku me Messin mbeten lojtarët më të mirë në botë. Një si Ronaldo mund të të shënojë në çdo sekondë të ndeshjes, edhe kur nuk vihet në kushtet e duhura.
Mund të jetë 37 vjeç, por me eksperiencën që ka nuk të lë kurrë të qetë psikologjikisht, prandaj të mos flasim të tilla budallallëqe, por të jemi të përqendruar maksimalisht. Edhe pse Zvicra ime e ka treguar se nuk i trembet Portugalisë dhe askujt tjetër”, përfundoi Shaqiri.
