Shumë vende të botës përfshirë edhe Shqipërinë po përballen me një krizë e cila ka sjellë rritje të çmimeve dhe faturave të konsumit.
Familjet shqiptare po përballen çdo ditë e më tepër me rritjen e çmimeve të karburanteve, energjisë elektrike, ushqimeve, veshjeve, mobiljeve por edhe elektroshtëpiakeve. Për të shmangur faturat e larta në fund të muajit shqiptarët po përpiqen të gjejnë zgjidhje alternative, më ekonomike dhe pse jo të eliminojnë disa prej produkteve "luksi".
Paratë e vendosura për kursime dhe shpenzimet e luksit janë shkurtuar në mënyrë drastike, një prirje e cila pritet të vazhdojë. Konsumatorët po blejnë sasi më të vogla, ose po shtyjnë blerjet. Shumica po u drejtohen zbritjeve ose markave më të përballueshme.
Sipas përfaqësuesve të ndryshëm të shitjeve, tani shqiptarët po priren të blejnë sa më shumë produkte që iu kursejnë energjinë elektrike pasi faturat rëndojnë shumë në buxhetin e tyre. Së fundmi ka një rritje të konsumit të gazit, si një alternativë e përshtatshme në vend të energjisë elektrike. Pajisjet e dushit që ngrohin ujin më shpejt se boileri dhe pa shpenzime janë më të kërkuarat bashkë me prizat ekonomike, të cilat u vendosen burimeve ekzistuese në shtëpitë e qytetarëve dhe reduktojnë deri në 50% energjinë elektrike.
Në tregje është rritur kërkesa për batanije normale pasi ato me korrent nuk janë më të preferuara për shkak të rritjes së çmimit të energjisë elektrike. Shqiptarët kanë vazhduar të ndryshojnë edhe elektroshtëpiaket duke përzgjedhur më tepër ato që kursejnë energji. Edhe termoizolimi i shtëpive është një trend në rritje pasi kjo shmang sistemet e ngrohjes apo pajisje të tjera.
Ndërkohë në lidhje me ushqimet, vlen të thuhet se shqiptarët po blejnë më pak ose blejnë ato produkte që janë në oferta në supermarkete. Për shumë familje produktet e bulmetit si qumështi, kosi, djathi dhe gjalpi janë kthyer në produkte luksi dhe shqiptarët po i blejnë vetëm me raste.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
