E konfirmon MSH: Iljasa Fazliu pa licencë punonte në QKUK dhe mbante pozitën e shefit

Shkruar nga: B Hasi | Publikuar më: 30.11.2022, 15:29

Ministria e Shëndetësisë e ka konfirmuar se Iljasa Fazliu punonte në QKUK dhe në ordinancat e tij pa licencë pune. Ndonëse s’kishte licencë, Fazliu poashtu e mbante pozitën e shefit në ORL, i emëruar nga ud. Prnavera Zejnullahu-Raçi

Defektologu Iljasa Fazliu punonte në Qendrën Klinike Universitare të Kosovës dhe në ordinancat e tij private, pa licencë pune. Kjo është konfirmuar nga Ministria e Shëndetësisë në një përgjigje për Gazetën Shneta.

Sipas MSH-së Fazliu kishte licencë pune nga ky institucion vetëm deri më datën 18 shtator të këtij viti. Ai u emërua shef më 9 shtator edhe përkundër se s’kishte licencë vazhdonte të punonte dhe të mbante pozitën në QKUK.

“Licenca e parë është lëshuar me datë 12.04.2005 dhe ka skaduar me datë 12.04.2010. I njëjti është ri-licencuar me datë 18.09.2017 (asokohe ri- licencimi nuk ka qenë ende përgjegjësi e transferuar të odat) dhe data e skadimit te licencës së tij është 18.09.2022. Nga viti 2018 e tutje ri-licencimi është bartur si përgjegjësi nga MSh tek odat përkatëse profesionale, në rastin konkret të OIK.”, thuhet në përgjigjen e MSH-së.

Ditë më parë MSH ka konfirmuar poashtu se ordinanca e Fazliut “AAR Logo Plus” nuk ishte e licencuar nga ky institucion.

Fazliu ishte avancuar në QKUK në pozitën e shefit në Klinikën e ORL-së më 9 shtator nga ud. Pranvera Zejnullahu-Raçi. Ai nuk është as anëtar i Odës së Infermierëve.

Në Ligjin e Odave të Profesionistëve shëndetësor, Neni 8 e përcakton se çdo profesionist shëndetësor është i obligueshëm të jetë anëtar i odave për të ushtruar veprimtarinë profesionale.

“1. Anëtarësimi në Oda është i detyrueshëm për të gjithë doktorët e mjekësisë, doktorët e stomatologjisë, farmacistët e diplomuar, infermierët e diplomuar, mamitë e diplomuara, fizioterapeutët e diplomuar, laborantët e lartë mjekësor, logopedët e diplomuar, foniatët e diplomuar, psikologët klinik, profesionistët tjerë shëndetësor me kualifikim të mesëm dhe të lartë të përcaktuar në regjistrin zyrtar të ministrisë të cilët ushtrojnë veprimtarinë e tyre shëndetësore në Republikën e Kosovës.

2. Anëtarësimi në Oda është i detyrueshëm edhe për profesionistët shëndetësor nga paragrafi 1. I këtij neni të cilët ushtrojnë veprimtarinë e tyre në kushte të mbrojtjes sociale, institucione tjera të organeve shtetërore, në fakultete, gjegjësisht në shkolla profesionale, në ambulanca të mjekësisë së punës si dhe në të gjitha rrethanat tjera ku ushtrohet veprimtaria shëndetësore në përputhje me ligjet në fuqi”, thuhet në nenin 8 të këtij ligji.

Iljasa Fazliu është pezulluar nga puna në QKUK pas arrestimit nga Policia e Kosovës, për shkak të skandalit të abuzimit me 5-vjeçaren e prekur nga autizimi, në njërën nga ordinancat e tij.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Adoleshenti në semafor
    Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
    I riu nga Tirana
    Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
    Studentja që diplomohet
    Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
    Ultrasit e ekipit të vllaznisë
    Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
    Gruaja fisnike, që shet misra
    Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Vajza zemërgjerë
    Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
Më të Lexuarat
Shkarkoni aplikacionin JOQ ALBANIA në platformat
Më të fundit