Veliaj shpall fitues Karamuçën e Vorës për Liqenin e Tiranës, ofroi sa 96% e fondit limit

Shkruar nga: M Gjini | Publikuar më: 28.09.2022, 21:15

Duket se Liqeni Artificial i Tiranës paska nevojë për rrugë të reja që të kalojnë këmbësorët për shëtitje. Natyrisht kjo do të thotë se do të prishet edhe ai pak gjelbërim egzistues i mbetur dhe do të shtrohet beton për realizimin e këtyre rrugëve të reja.

Absurdi është i qartë, të prishim gjelbërimin dhe në vend të tij të ndërtojmë beton në mënyrë që të kalojnë njërëzit dhe të shohin gjelbërimin... e mbetur. Dhe këto rrugë të reja nuk bëhen ndryshe përveçse me tender.

Në rastin konkret ai mban numrin e referencës REF-39359-08-19-2022 dhe ka si objekt “Ndërtimi i Rrugëve të Brendëshme në PMLAT”, ku PMLAT i referohet termit Parku i Madh i Liqenit Artificial Tiranë. Por nëse shikojmë dokumentacionin përkatës të këtij tenderi vihet re se mund të konsiderohet si i dyshimtë për të paktën dy arsye.

Në tender kemi një pjesëmarrje tepër të limituar të konkurrencës pasi kanë marrë pjesë vetëm dy bashkime operatorësh biznesi. Nga këto, fitues është shpallur oferta më e lartë. Bëhet fjalë për bashkimin e operatorëve “ G&P ” në pronësi të Shefki, Bashkim dhe Safet Karamuça & “L.T.E CONSTRUTICION” në pronësi të Ilir, Erjon dhe Artur Çaushaj për vlerën 15,217,073 lekë të reja pa TVSH ose rreth 180 milionë lekë të vjetra me TVSH.

Nga ana tjetër, nëse krahasojmë këtë vlerë fituese me vlerën e fondit limit të tenderit përballemi me një surprizë. Diferenca mes tyre është thuajse e papërfillshme, duke qenë gati të njëjta. Madje për saktësi, oferta fituese rezaulton të jetë sa 96% e fondit limit të tenderit. Ky fakt i rrit akoma më tepër dyshimet se kemi të bëjmë me një tender me fitues të paracaktuar.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Qytetari nga Tirana
    Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
    Vajza nga Shkodra
    Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
    I moshuari invalid
    I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
    I riu guximtar
    I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
    Djali i pastrehë
    Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
    Dy vajza zemërgjera
    Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
Më të Lexuarat
Shkarkoni aplikacionin JOQ ALBANIA në platformat
Më të fundit