Në depresion se nuk i rinovohej viza, shqiptari hidhet nga ura në Angli dhe vdes

Shkruar nga: A Shehaj | Publikuar më: 21.09.2022, 20:12

Një 37-vjeçar shqiptar i identifikuar si Mirsad Selgjekaj ka humbur jetën në prill të këtij viti pasi është hedhur nga një urë në Angli.

Sipas mediave angleze shqiptari që cilësohej si "i lumtur dhe i buzëqeshur" u transferua në Mbretërinë e Bashkuar për një jetë më të mirë. Por kur hasi vështirësi në rinovimin e vizës për të qëndruar në Mbretërinë e Bashkuar ai ndërmori aktin e rëndë.

Në fillim të këtij viti shëndeti mendor i shqiptarit filloi të përkeqësohej pas shqetësimeve nëse do të ishte në gjendje të qëndronte në Angli dhe të merrte rinovimin e vizës.

Një natë para vdekjes së tij, Mirsadi ishte dërguar në aeroportin Stansted nga familja për të shkuar në Itali për të parë vëllain e tij. Por në mbrëmjen e 22 prillit, pasi Mirsadi fluturoi për në Itali atij iu ndalua hyrja dhe u detyrua të kthehej në Britani me një avion i cili mbërriti pak pas orës 6 të mëngjesit.

Për shkak të telefonit të fikur prej baterisë Mirsadi nuk kishte si të kontaktonte me familjen e tij, e cila më vonë mori vesh në lajmin se një person kishte rënë nga një urë në A120.

Mirsadi u shpall i vdekur në vendngjarje. Autopsia doli në konkluzionin se ai kishte humbur jetën si pasojë e plagëve të shumta që kishte marrë gjatë rënies.

Në gjykatë u lexua një letër nga familja e Mirsadit ku thuhej se ai kishte kaluar një jetë të lumtur në Shqipëri ku kishte punuar si shofer privat dhe se ishte "shumë i afërt" me nënën dhe babain e tij. Por për të krijuar një jetë më të mirë ai kishte ardhur në Britani.

Pjesë nga letra e familjes së shqiptarit:

Mirsadi aplikoi për vizë për të qëndruar në Britani por kishte vështirësi për rinovimin e saj. Ai ishte në depresion dhe ankth. Ai ishte paranojak. Nuk do ta kishim besuar kurrë që Mirsadi mund t’i jepte fund jetës, nuk ishte pjesë e karakterit të tij.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit