Kryetarët e komunave të Pollogut kërkojnë pushim më të gjatë dimëror për nxënësit

Shkruar nga: B Hasi | Publikuar më: 20.09.2022, 18:12

Kryetarët e komunave të rajonit të Pollogut kërkojnë nga Ministria e Arsimit dhe Shkencës që pushimi dimëror të jetë më i gjatë ose të ketë mësim online për nxënësit, me qëllim që shkollat të mos kenë shumë harxhime gjatë periudhës së dimrit.

Për këtë temë sot është diskutuar në seancën e Këshillit për Zhvillimin e Rajonit të Pollogut, ndërsa ideja ka ardhur nga kryetari i Gostivarit Arben Taravari, përcjell Telegrafi Maqedoni.

“Pasi faturat e rrymës janë më të larta se vitin e kaluar, vendosëm si ide që pushimet dimërore të fëmijëve të zgjasin dy muaj – dhjetor dhe janar ose janar dhe shkurt, në mënyrë që fëmijët të kenë pushime më të shkurtra gjatë verës dhe viti shkollor të zgjat deri më 30 qershor, ndërsa viti i ri shkollor të fillojë më 15 gusht”.

“Ose ndoshta tre muajt dhjetor, janar dhe shkurt të jenë online. Jemi pak a shumë të dixhitalizuar, kemi eksperienca të mira gjatë pandemisë dhe pse jo tani sërish në drejtim të kursimit të energjisë elektrike për të mbajmë mësim online. Do të kemi nevojë për përkrahje nga Ministria dhe BNJVL, ndërsa neve na përkrahin edhe kryetarët e tjerë”, tha Arben Taravari.

Ndryshe, në seancën e Këshillit të Rajonit Planifik u debatua për mundësinë e një projekti të ri për menaxhimin e mbetjeve, si dhe bashkëpunimin rajonal për trajtimin e qenve endacakë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit