Shpesh-herë ndodhë që prindërit të denoncojnë rastet kur vajzat e tyre të mitura largohen nga shtëpia për të jetuar me persona të moshës madhore.
Për një rast të tillë, që përbën vepër penale, Prokuroria Themelore në Gjakovë ka nisur së fundmi hetimet.
Sipas gazetes kosovare Sinjali, rasti është iniciuar pas denoncimit të një babai, i cili e ka njoftuar Policisë se e bija i është larguar nga shtëpia, për të jetuar me një person tjetër, me dëshirën e saj. I shqetësuar për vajzën, ai ka kërkuar ndihmë nga Policia, me ç’rast ka dhënë edhe detaje për të dyshuarin.
Si rezultat i denoncimit, njësitet policore janë vënë në veprim për të siguruar prezencën e të dyshuarit, por sipas informacioneve të para, një gjë e tillë ende nuk ka ndodhur.
Raportohet se viktima, 16-vjeçare ka filluar bashkëjetesën me një person në Istog. Edhe atje, Policia po e kërkon të dyshuarin, derisa me urdhër të Prokurorit të Shtetit është hapur rasti si “Bashkëjetesë me personin nën moshën 16-vjeçare.